中五獎

之前考試, 所以好耐都無上過黎寫野.......個Exam一早喺十九號就考完啦, 只不過落左site勁多野忙, 趁而家有些小時間, 寫低我嘅近況先, 如果唔係我驚我D朋友仔/女唔記得左我, 仲以為我死左添, 哈哈

試就考完了, 好驚考得唔好, 仲有兩個week, 就有result, 驚......驚......驚......驚......驚......驚......驚......驚......

落左site兩個week啦, 感覺好似過左好耐咁, 好掛住NTO, 而家俾人放逐左去大嶼山塘福睇工程...我個地盤樹好少, 無得遮蔭, 雖然有個貨櫃, 但都唔可以長期坐喺貨櫃入面, 日日比個太陽曬住, 人都曬黑埋. 希望呢個地盤快D起貨, 調返我出黎. 我覺得大嶼山嘅空氣好唔掂, 由我第一日入去開始, 我就開始咳, 咳到而家仲未好, 唉......

今晚咁啱睇到Kimmy嘅Windows Live™ Spaces先知佢個BB-皓天出左世喇......祝佢兩母子身體健康, BB快高長大, 一家人開開心心.

上次買左一張一注五期嘅六合彩, 今晚係最後一期, 諗住都唔會中啦......點知對number果陣, 發覺自己中左四個字, 原來有$320, 呢次係我第一次中四個字, 雖然少少地, 但都好開心!!!