惡夢

尋晚發左個夢......
而家返緊個份工個合約係喺今年七月中完, 如無意外, 應該會再續約, 點知尋晚發夢無得再續, 究竟這個夢代表什麼呢??
唉......擔心擔心

驚濤駭浪去賞煙花

今晚約左班中學同學&公司同事出海睇煙花. 差不多有十幾年無出去現場賞煙花了, 而且今晚係我人生第一次在海上賞煙花. 真是一個值得懷念的一晚!!

尋晚攪手阿斌叫我轉達訊息俾我D中學同學 (因為船家話今晚會好大浪, 喺西貢碼頭上船會好搖, 如果驚頂唔順, 最好喺西灣河上船). 結果我所有中學同學決定喺西貢碼頭上船 (有D人上船前巳食定暈浪丸). 點知上船無幾耐就遇到大浪, 架船搖晃得好勁, 差不多傾斜左45度, 維持左成個半鐘頭. 我有幾個中學同學感到不適&作嘔.

過左個半鐘頭之後, 浪花開始無咁大, D人面色開始漸漸轉好. 到左中途站--西灣河, 等待另一班人落船時, 好多人上岸回回氣, 有些人想離開, 但有D人覺得咁難得捱過大浪呢關, 而不繼續下去賞煙花, 那實在太可惜了. 幸好, 最後所有人都可以欣賞今晚燦爛嘅煙花 (這是我今晚所想的).

Thanks to...

Thanks to Emily, 麟, Gi Gi, Dorathy(姐姐), Bonnie Tse, Ku, Kayla, 小龜, Bun, Anthea, 強, Linda.........

今年生日啟發我一樣野. 原來生日最開心嘅係...有人記得我生日, 同我講聲生日快樂, 就巳經足夠了, 有無人陪我過生日巳經不要緊.

暑假......接近尾聲

原來我有三個月無寫過Blog囉 (blog同我一齊放暑假)......hehe^^

呢個暑假都過得好充實. 日出而作, 夜蒲而樂. 日抖一早起身出門返工, 一邊返工, 一邊學野. 放左工就會同班朋友落bar飲酒, 去玩去蒲, 識下多D朋友仔, 朋友女.

仲有一個禮拜就開學了......諗返起第一年讀Year 1果陣, 一邊返工, 一邊返學, 好艱辛, 就好似被人打落十八層地獄一樣, 盡受折磨, 人都顛. 而家諗返起都怕怕. 趁開學前, 要搵返想見嘅朋友聚聚, 唔係就唔知幾時可以再見面!!

中五獎

之前考試, 所以好耐都無上過黎寫野.......個Exam一早喺十九號就考完啦, 只不過落左site勁多野忙, 趁而家有些小時間, 寫低我嘅近況先, 如果唔係我驚我D朋友仔/女唔記得左我, 仲以為我死左添, 哈哈

試就考完了, 好驚考得唔好, 仲有兩個week, 就有result, 驚......驚......驚......驚......驚......驚......驚......驚......

落左site兩個week啦, 感覺好似過左好耐咁, 好掛住NTO, 而家俾人放逐左去大嶼山塘福睇工程...我個地盤樹好少, 無得遮蔭, 雖然有個貨櫃, 但都唔可以長期坐喺貨櫃入面, 日日比個太陽曬住, 人都曬黑埋. 希望呢個地盤快D起貨, 調返我出黎. 我覺得大嶼山嘅空氣好唔掂, 由我第一日入去開始, 我就開始咳, 咳到而家仲未好, 唉......

今晚咁啱睇到Kimmy嘅Windows Live™ Spaces先知佢個BB-皓天出左世喇......祝佢兩母子身體健康, BB快高長大, 一家人開開心心.

上次買左一張一注五期嘅六合彩, 今晚係最後一期, 諗住都唔會中啦......點知對number果陣, 發覺自己中左四個字, 原來有$320, 呢次係我第一次中四個字, 雖然少少地, 但都好開心!!!

考試到了......

星期四就要考第一科了......書仲未温晒添, 好驚呀, 而且上年呢一科係肥左好多人, 大半班都要retake. 我見到佢地今年讀得好辛苦, 我都唔想步佢地嘅後塵. 仲有聽日, 要全力博殺, 一定...一定...一定...要合格!!!

睛天霹靂

咁大個人第一次正正式式追女仔, 點知突然間收到佢電話, 同我講巳經有9個月大嘅仔, 有個唔係咁好嘅老公, 我聽左呢個消息, 睛天霹靂....唔知點算好, 唯有壓抑住自己嘅心情繼續同佢講電話. 講完電話之後, 眼淚不其然流下來了. 為何妳要講咁殘酷嘅事實俾我知? 係咪想我知難而退? 抑或係妳唔想扼我, 講個事實俾我知?
點都好啦......這巳經成為事實, 都無法改變. 只有埋怨天意弄人, 唔可以一早識到妳!!!