炎熱的一天

我用左呢兩日嘅時間, 喺屋企睇晒小龜's Blog, 睇完我先知佢係一個體弱多病, 好為朋友著想, 開朗堅強, 好勤力, 有責任感, 好識得傻笑嘅一個女仔 (^o^). 佢好鐘意影相, 食野, 鐘意無聊既野, 例如mo仔, tamama, hello kitty, playmobil, 鐘意華仔同伊健, oh.......這真係佢嘅年代呢??哈哈, 講吓笑啫, 唔好嬲唷 (大家都係果個年代喎). 雖然佢係一個堅強嘅女仔, 但佢都需要俾人dum, 俾人錫!!!!!!!!!呢排佢做野做得好辛苦, 希望佢可以保重身體, 生活得多姿多采啦@.@~~~~~~~~~~~
----------------------------------------------------------------------------------
今晚去左牛皮沙街踢波, 踢左唔夠半埸, 竟然比人侵犯左幾次, 左腳俾人踢瘀左, 右邊手肘跌損左..........究竟你地踢波定踢人呀^#^仲有我叫馬仔, 唔係華仔, 唔好再叫錯我個名呀!!!
----------------------------------------------------------------------------------
我嘅白雪公主, 我嘅夢中情人, 幾時才出現呢???

生日花語

9月25日黑麥（AninatedOut）
花語：愛的音符
花占卜：您是個極感性的人，加上豐富的創意，您的生命有如一篇動人的樂章，經常如沐春風。您的談吐、舉止得體，朋友眾多，是個受歡迎的人物。但凡事反應過敏會遭人討厭，應學會寬大些，容納更多的空間。
花箴言：生活自有其目的，不必刻意找尋目的。

阿根廷好鬼屎波

阿根廷有無搞錯呀, 法定時間都贏唔到墨西哥, 搞到要踢加時, 好鬼屎呀..........

德國隊氣勢凌人

嘩!!!德國隊氣勢逼人, 一開波就入左兩球啦, 之後踢多個人都入唔倒波, 真係無鬼用!!!雖然瑞典輸左場波, 但係隊中嘅伊巴謙莫域都好勁喎, 又有多一個球員被我睇中唷, 哈哈@.@
好期待下一場阿根廷vs墨西哥賽事, 希望阿根廷可以好似德國上半場咁, 氣勢逼人. 阿根廷, sure WIN***

大學生~~~~

今日晏晝終於去左PolyU註左冊了......

今晚約左以前果班舊同事唱K兼睇波. 雖然短短個幾個鐘頭嘅GATHERING, 但係都幾開心. 間唔中約返啲Friend聚下舊都幾好喎!!!!!!!!!!!好彩今日做左張學生證, 唔係埋單都無9折唷, 哈哈!!!

真的好想轟轟烈烈地與妳戀愛一次

差點忘記了:P

Oh, no........淨啲唔記得左今個星期五要去PolyU註冊添 (可能忙著睇世界盃, 哈哈), 好彩今朝記得啫, 拿拿淋喺公司影左張車頭相, 再用Paint Shot Pro執到一張4R相入面有十幾張車頭相, 然後去快圖X晒一張4R. 只係$1.4炸, 係咪好抵呢??用$1.4就可以影倒一打相, 呵呵.......................係喎, 我register咩野, 就係黎緊個年會開始讀個part-time 嘅 Beng (Hons) Civil Engineering 囉.......hehe我將會係大學生啦!!!!!

悶......

悶...悶...悶...
心裡突然有種被人遺忘, 厭惡嘅感覺, 究竟人生點樣才可以活得精彩??
人, 就好像為了等待生命嘅終結, 而誕生!!

第一次

Hi, 大家好呀!!
啱啱開左呢個個人嘅blog, 但係而家唔知寫咩好. 等我下次有野寫先再上過黎啦, 哈哈...