貪新忘舊?

今日係我落site之後第二次出糧嘅日子---放工即刻去買左眼鏡, 同埋太陽眼鏡. 回顧返以前D相, 原來我巳經有四年未換過眼鏡囉. 舊眼鏡巳經被我戴到發黃了......係時候要換新的了!!!呢D唔係叫貪新忘舊, 你/妳地唔好亂諗野, 哈哈~~~

平時放左工後搭巴士回家果陣, 我都有小睡嘅習慣, 今晚瞓瞓下, 竟然被坐喺我隔離嘅師奶嘈醒左, 皆因個師奶講電話講得太大聲, 真係被佢激死. 唔通一個巴士阿叔都唔夠, 還要多個巴士師奶? 希望政府可以立法, 禁止乘客在巴士上講電話啦 (真係痴心妄想)!!!

檢討

講返個為期一個禮拜嘅"戒煙計劃"先, 過去個一個禮拜我有無食過煙? 答案更係有啦, 不過就無喺其他參賽者面前食啦...訓錢事少, 面子緊要, 所以忍得就忍, 或者偷偷地咁食, 呵呵~~~但係喺呢個禮拜裡面我食少左煙, 比平時食少一半囉. 我諗都唔會再同佢地發顛!!!

險象環生

今日真係險象環生, 今朝早去左地盤, 視察工程果陣, 突然間有棵六米高嘅大樹喺我面前倒塌, 好彩個機手先前叫我快D走, 唔係就有傷亡啦!!!! 真係好感激機手嘅提醒. 下次我一定要留意周圍嘅環境至得.............

自己嘅工作都做唔掂, 又要做自己嘅野, 又要幫教我野嘅前輩做電腦上嘅工作, 好辛苦, 好多野做, 唉......想死~~~~

@戒煙@

我同而家公司同事 --- Alan Wong & Gary, 為了戒煙, 由聽日開始一個星期, 邊個俾人見到食煙, 就要訓錢, 十蚊一次. 我覺得都有D難度, 因為日日返工, 成日都會見面, 咁咪成日都食唔到囉~~~仲有唔食一個禮拜, 真係會戒到煙??

今日竟然俾兩個人話我大隻左, 呵呵................可能而家返緊份工日日要出地盤, 晒黑左嘅關係, 所以咪好似大隻左囉!!!!!!!!!

石澳一日游

今日我同barry, 阿儀, 婷婷, 婷婷哥哥, 婷婷嘅仔仔-傑傑去左石澳晒太陽, 游水. 好耐都未去過沙灘囉, 今日係我今年第一次去沙灘. 咁耐無去, 而家沙灘啲水好污濁, 好多垃圾, 唉.......今日個太陽好猛, 好晒, 最高有成36°, 我買左支黑鬼油搽, 晒到勁黑, 而家搏頭位紅晒, 好鬼"慶" tim

白行一趟

今晚原本7點喺花墟踢波, 點知俾人book左場, book到9點
--->咁我地行去牛津遊樂場, 點知又封左場
--->塔taxi九龍仔公園, 點知又俾青訓 book 到10點
--->咁我地去九龍城某間餐廳食D野, 8點半行過去賈炳達道, 點知又俾人book左場, book到10點
--->再塔taxi去返開頭嘅目的地--花墟, 仲以為人地book到9點, 咁我地可以跟隊踢, 點知又俾另一班人book左場, book 到11點
--->好"敏", 白行左成晚, 最後搭返巴士回家!!!! @ o @~~~~~~~~~~~

中招

尋日打風, 我嘅地盤"奶晒野"tim, 今朝返到公司, 大幫同我講, Highway出左NC俾我嘅地盤, 我俾RE問到口啞啞!!一早都同啲安全佬, 雜工講過, 有咩要執, 拿拿淋攪掂佢啦, 點知佢地聽完無做到, 尋日咁就中左招......我決定唔會向你地手下留情, 有咩唔掂即時同RE講, 嗯!!!!

今日晏晝收到有線住宅電話嘅promote, 因為又平, 而且屋企用開手提, 無住宅電話, 咁我就apply左囉......放工之後咪走去豐澤睇家居電話, 睇左個"鯪"鐘, 最後俾我揀左個無線電話. 順便我又睇埋快譯通, 又買左差唔多三千蚊嘅彩色快譯通, 雖然貴就貴左啲, 不過唔緊要啦, 有得分期俾錢, 而且黎緊果四年讀書要用麻. 我都好鍾意呢部快譯通, 因為詞彙又多, 又可以錄音, 影相, 聽mp3, 睇movie......仲有好多Fuctions tim 呀!!!好耐都試過未咁樣用錢法, 真係好滿足~~~哈哈

香港動漫節+香港電玩節

都有五六年無去過漫畫節囉, 今年係<第8屆香港動漫節+第3屆香港電玩節>......諗住今晚準時收工, 一早同班 friend 去逛逛, 點知 office 有好多paper works要做, 仲要今晚要攪點, 攪到八點先入到場, 仲要自己一個人逛 (皆因我班 friend 巳逛了一圈囉, 喺出口等緊我). 我仲以為八點入場, 會無咁多人, 點知仍然有好多人, 又要排隊找找心頭號, 拿拿淋逛了一圈, 只買了幾本漫畫, 就 joint 埋 D friend 去打邊爐.
又趕又多人, 今次真係唔夠喉, 下次一定要早 D 去, 或者請假日頭去, 哈哈!!!!!