驚濤駭浪去賞煙花

今晚約左班中學同學&公司同事出海睇煙花. 差不多有十幾年無出去現場賞煙花了, 而且今晚係我人生第一次在海上賞煙花. 真是一個值得懷念的一晚!!

尋晚攪手阿斌叫我轉達訊息俾我D中學同學 (因為船家話今晚會好大浪, 喺西貢碼頭上船會好搖, 如果驚頂唔順, 最好喺西灣河上船). 結果我所有中學同學決定喺西貢碼頭上船 (有D人上船前巳食定暈浪丸). 點知上船無幾耐就遇到大浪, 架船搖晃得好勁, 差不多傾斜左45度, 維持左成個半鐘頭. 我有幾個中學同學感到不適&作嘔.

過左個半鐘頭之後, 浪花開始無咁大, D人面色開始漸漸轉好. 到左中途站--西灣河, 等待另一班人落船時, 好多人上岸回回氣, 有些人想離開, 但有D人覺得咁難得捱過大浪呢關, 而不繼續下去賞煙花, 那實在太可惜了. 幸好, 最後所有人都可以欣賞今晚燦爛嘅煙花 (這是我今晚所想的).